Мурдакы башкы прокурор Азимбек Бекназаровдун аты-жөнү шайлоо бюллетенинен чийилбейт. Бул тууралуу «24.kg» агенттигине Боршайкомдун мүчөсү Гүлнара Журабаева билдирди.
Азимбек Бекназаров кечээ КТРКнын түз эфиринде дебатта талапкерлигин алып саларын жарыялады. Бирок, ал талапкерлигин алып салуудан кечигип калды. Мыйзам боюнча добуш берүүгө үч күн калганда гана талапкерлигин алып салууга болот.
Шайлоо 15-октябрда өтөт. Бүгүн расмий үгүт аяктайт.
