«Жетекчилер жакшы көзөмөлдөй албагандыктан кол астындагылар мыйзам бузууга барат» -деп билдирди Эсептөө палатасынын төрагасы Улукбек Марипов Жогорку Кеңеште.
Анын маалыматында, 2016-жылы аудиторлор 3 миң 541 мекемени текшерип, 2,6 миллиард сомдук мыйзам бузуу табышкан. Каражаттын 78 пайызы бюджетке кайтарылды. 886 миллион сомду максатсыз колдонсо, анын 82 пайызы бюджеттик акча.
Төраганын айтымында, көбүнчө маяна жана сатып алуулар жаатында мыйзам бузуулар болот.
