Бишкек шаарында заманбап ирригациялык системалар орнотула баштады

Бишкек шаарында жашыл аянтчалардын абалын жакшыртууга жана аларга кам көрүүнү жеңилдетүүгө багытталган заманбап ирригациялык системалар орнотулууда. Бул тууралуу мэриянын басма сөз кызматы билдирди.

Жаңы ирригациялык системалар нымдуулуктун үзгүлтүксүз жана бир калыпта бөлүштүрүлүшүн камсыз кылуу үчүн иштелип чыккан. Ошол эле учурда суунун чыгымын азайтат жана жашыл мейкиндиктерге кам көрүү процессин оптималдаштырат.

Учурда борбордун төрт районунда иш жүрүп жатат. Орнотуу ар бир аймактын өзгөчөлүктөрүн эске алуу менен ишке ашырылат, бул сугат системаларын жергиликтүү шарттарга максималдуу ылайыкташтырууга мүмкүндүк берет.