Евробиримдиктин тышкы иштер жана коопсуздук саясаты боюнча Жогорку өкүлү, Еврокомиссиянын вице-президенти Каджа Каллас Борбор Азия өлкөлөрүнө болгон иш сапарынын алкагында бүгүн, 27-мартта Ташкентке келет. Бул тууралуу Podrobno.uz сайты билдирди.
Маалыматка ылайык, Каджа Каллас Өзбекстандын президенти Шавкат Мирзиёев жана тышкы иштер министри Бахтиёр Саидов менен сүйлөшүүлөрдү өткөрөт.
Талкуунун негизги темалары 3-4-апрелде Самаркандда өтө турган биринчи Евробиримдик-Борбор Азия саммитине даярдык, ошондой эле аймактык кызматташтык, энергетика, транспорт, суу ресурстары, соода жана билим берүү маселелери болот.
Каджа Каллас Өзбекстанга сапарынын алдында Ашхабадда өтүүчү 20-Европа Биримдиги-Борбор Азия министрлеринин жолугушуусуна катышып, анда Кыргызстан, Тажикстан, Түркмөнстан, Өзбекстан жана Казакстандын өкүлдөрү менен бирге Европа Биримдиги менен региондун ортосундагы өнөктөштүктүн негизги чакырыктарын жана келечегин талкуулайт.
Ташкенттеги жолугушуулардан кийин сапарын Казакстан жана Түркмөнстанга улантат.
