Жогорку Кеңештин «Ата Журт» фракциясынын жыйынында экономика жана коммерция министри Данияр Амангелдиев Балыкчы шаарындагы шамал электр станциялары менен Ысык-Көл районунун Корумду айылындагы күн электр станцияларынын долбоорлорун ишке ашыруу эмне үчүн баштала электигин түшүндүрдү.
Анын айтымында, мыйзамга ылайык, Кыргызстан инвестициялык долбоорлорду сом менен гана түзө алат, бирок энергетикалык объектилерди курууну каалаган бир дагы инвестор бул шарттарга макул болгон жок.
Министр инвесторлор насыя алып жаткан валютада долбоорлорду түзүүнү каалап жатканын айтты. Ал эми азыр Улуттук банк инвестициялык долбоорлорду чет элдик валютада түзүүгө мүмкүндүк берген мыйзам долбоорун даярдап жатат.
Аткаминер мыйзам кабыл алынып, күчүнө кирээри менен бул долбоорлорду ишке ашыруу башталаарын убада кылды.
