Кыргызстанда биринчи жолу инклюзивдик спектаклдин премьерасы болот

Кыргызстанда биринчи жолу «Шире-шери-не» инклюзивдуу спектаклинин премьерасы болот. Бул спектакль 10-декабрда Арсен Умуралиев атындагы Бишкек шаардык драма театрында көрсөтүлөт. Бул тууралуу ПРООНдон билдиришти.

Спектаклде ден соолугунун мүмкүнчүлүгү чектелген 12 кыз -келиндер катышат. Алардын ар бири дискриминацияга каршы күрөшүү боюнча жеке окуясы менен бөлүшөт.

Премьера Аялдарга жана кыздарга карата гендердик зомбулукка каршы 16 күндүк акциянын жана Майыптардын эл аралык күнүнө карата өткөрүлөт.

Каарман кыздардын бири 23 жаштагы Алия Юлдашева ата-энеси менен бирге спектаклге катышууда. Өзүнүн айтымында, чакырганда ал ар кимге өзүнүн көйгөйлөрүн чыгармачылык аркылуу айта алганына абдан кубанган.

Спектаклде инклюзивдүүлүктүн маанилүүлүгү баса белгиленип, мүмкүнчүлүгү чектелген адамдар тууралуу стереотиптер жок кылынган. Ар бир катышуучу күч жана кайраттуулуктун үлгүсү. Бул аялдар алардын потенциалы кадимки күтүүлөрдөн алда канча жогору экенин көрсөтүп турат, деп белгиледи ПРООН.