Мамлекеттик камсыздандыруу комитетинен ипотекалык турак-жай алуу үчүн 32 миңден ашык үй-бүлө кезекте турат. Бул тууралуу «Элдик» депутаттык тобунун жыйынында «Мамлекеттик ипотекалык компания» ААК башкармалыгынын төрагасынын орун басары Нурадил Баясов билдирди.
Эл депутаттары Кыргызстандын жарандары үчүн «Менин үйүм» жаңы турак-жай программасын ишке ашыруунун жүрүшү тууралуу маалымат менен таанышты.
Нурадил Баясов өз баяндамасында Мамлекеттик инвестициялык компаниянын уставдык капиталы 26,2 млрд сомду түзөрүн белгиледи. 2015-жылдан бери башкармалык тарабынан 9 миң 612 батир берилген.
Тактап айтканда, «Арзан турак-жай — 2015-2020» программасынын алкагында жарандар 5 миң 430 ссуда, «Менин үйүм — 2021-2026» программасынын алкагында 4 миң 191 турак жай алышкан. Батирлер 25 жылга 4-8 пайыз менен берилет.
18-сентябрга карата 32 миң 393 жаран ипотекалык үй алуу үчүн кезекте турат.
