Франциянын Париж шаарында өтүп жаткан Паралимпиада оюндарында кыргызстандык көзү азиз жөө күлүк Гүлназ Жүзбаева коштоочусу Юлия Фурнас менен жарышка чыкты. Бул тууралуу турнирдин сайтында айтылат.
Маалыматка ылайык, ал 1 миң 500 метр аралыкты 6 мүнөт 11,3 секундда чуркап өттү. Алдын ала жарыштарда алгачкы эки орунду ээлеген спортчулар кийинки турга өтүштү.
Белгилей кетсек, Гүлназ Жүзбаева өзүнүн жеке рекордун жакшырткан.
Кыргызстандык айым 13-орунда келди.
