Административдик-аймактык реформанын жүрүшүндө Шамалды-Сай райондук маанидеги шаарга айланат. Бул тууралуу Жогорку Кеңештин Конституциялык мыйзамдар, мамлекеттик түзүлүш, сот-укуктук маселелер жана регламент боюнча комитетинин жыйынында министрлер кабинетинин төрагасынын биринчи орун басары Адылбек Касымалиев билдирди.
Анын айтымында, административдик-территориялык реформа боюнча учурда Жалал-Абад облусунда 67 айыл аймактын ордуна 37 айыл аймак болот.
Мындан тышкары жакынкы айылдардын кошулушуна байланыштуу Жалал-Абаддын аймагы көбөйөт.
