Бүгүн Бишкекте Дөлөн Өмүрзаков атындагы стадиондун аймагында Кыргызстан — Оман оюнуна байланыштуу жол кыймылына чектөөлөр киргизилет. Бул тууралуу милициянын Кайгуул кызматынын басма сөз кызматы билдирди.
Маалыматка ылайык, саат 14.00дөн 22.00гө чейин төмөнкү көчөлөрдү жабуу пландалууда:
- Тоголок Молдо көчөсү -Чүй проспектисинен Фрунзе көчөсүнө чейин;
- Фрунзе көчөсү- Тоголок Молдодон Панфиловго чейин.
Айдоочулардан маршрутту алдын ала пландаштырып, мындай чараларга түшүнүү менен мамиле кылууну суранышат.
Эскерте кетсек, Кыргызстандын курама командасы D тобуна кирет. Ал жакта Кытай Тайбэйи, Малайзия жана Оман дагы бар. Беттеш бүгүн саат 19.00дө болот.
