Филармонияны көздөй бараткан жөө жүрүштүн катышуучуларын милиция орто жолдон токтотту.
Бишкек шаардык ИИББ башчысынын орун басары Тилек Тукебаев М.Горький атындагы багынан башка жерге акция өткөрүүгө сот тарабынан тыюу салынганын эскертти.
Мындан улам, акцияга чыккандар багытын өзгөртүп скверди көздөй бет алышты. Жөө жүрүшкө чыккандардын катары көбөйүп 300 гө чукулдады.
23-ноябрь күнү Бишкек шаардык соту иликтөөчү журналист Болот Темировду Кыргызстандан чыгаруу чечимин кабыл алган. Ал ошол замат аэропортко жеткирилип, Россияга жөнөтүлгөн. Бир катар эл аралык уюмдар буга кабатырлыгын билдирген.
