Пара алып жаткан жеринен кармалган УКМКнын кызматкери иштен алынды. Бул тууралуу мекемеден билдирди.
Маалыматка караганда, Улуттук коопсуздук мамлекеттик комитетинин өздүк коопсуздук кызматы (ӨКК) улуттук коопсуздук органдарынын кызматкери Н.у.С.га карата жүргүзгөн кызматтык иликтөөнү аяктады.
Белгилей кетсек, 2020-жылдын 4-сентябрында Бишкекте Экономикалык кылмыштуулукка каршы күрөшүү боюнча мамлекеттик кызматынын кызматкерлери УКМК менен биргеликте коопсуздук кызматынын кызматкери Н.у.Сну пара алып жаткан жеринен кармашкан. Ага каршы Кылмыш-жаза кодексинин 326-беренеси боюнча «Пара талап кылуу» боюнча кылмыштардын жана жоруктардын бирдиктүү реестрине катталган сотко чейинки өндүрүштүн башталган.
Кызматтык иликтөөнүн жыйынтыгында Н.у.С. УКМКнын беделин түшүргөндүгү үчүн иштен бошотулду.
