10:51
USD 76.91
EUR 90.70
RUB 1.05

Коронавируска каршы вакцина 50-60 доллардын тегерегинде сатылары божомолдонууда

Америкалык Moderna компаниясы коронавируска каршы вакцинаны 50-60 доллардын тегерегинде болорун божомолдоодо. Бул туралуу Financial Times басылмасы жазып чыкты.

Маалыматка ылайык, Американын президенти Дональд Трамп жылдын аягына чейин коронавируска каршы вакцина даяр болорун жана башка өлкөлөргө да бөлүштүрүлө тургандыгын айткан. Ошондой эле, мындай баа АКШ жана ушул сыяктуу экономикасы өнүккөн, жарандардын кирешеси жогору өлкөлөргө коюлмакчы.

«АКШ өкмөтү 600 миллион даана вакцина алуу боюнча Pfizer жана BioNTech деп аталган фармацевтикалык компаниялар менен келишим түзгөн. Алар ар бир дозаны 19,5 доллардан баалап жатат. Демек Moderna компаниясы дагы вакцинанын баасы боюнча ойлонуп көрүшү керек», — деп жазылат маалыматта.

Эске сала кетсек, учурда Россиянын вакцинасы бардык сыноолордон өтүп, даяр болуп калды. Бирок анын баасы жана кандай негизде берилери тууралуу маалымат жок.