Бишкектеги түнкү стационарлардын иш убактысына өзгөртүү киргизилди. Бул тууралуу Бишкек шаардык мэриясынын пресс-кызматы билдирди.
Анын айтымында, учурда түнкү стационарлар бир саат мурун ачылып, 20.00дөн 8.00гө чейин иштешүүдө. Күндүзгү ооруканалардын иш убактысы өзгөргөн жок: 8.00дөн 20.00гө чейин иштешет.
Мэрия Бишкек шаардык кеңешинин колдоосу менен Жал кичи районундагы № 95 мектептин базасында кошумча күндүзгү стационар ачылып, 37 орун даярдалганын кошумчалады.
Кара-Жыгач конушунда жайгашкан «Салтанат» ресторанынын базасында дагы 50 орундуу стационар ачылууга даярдалып жатат", — деп кошумчалады басма сөз кызматы.
Жалпы жонунан борбор калаада 908 орундуу 13 күндүзгү оорукана жана 220 орундуу түнкү оорукана иштеп жатат. Бул жерде дарыгерлер, медайымдар, санитаркалар, ординаторлор жана ыктыярчылар кезек-кезеги менен иштешет. Кызматкерлер жана тартылган адистер жеке коргоо каражаттары, тамак-аш, убактылуу турак-жай менен камсыз болушат.