Ысык-Ата районунда жол кырсыгынан улам бир адам каза болуп, үч адам жабыркады. Бул тууралуу ӨКМдин басма-сөз кызматы маалымдады.
Белгилүү болгондой, Чүй облусуна караштуу Ысык-Ата районунун Дмитриевка айылындагы Ленин көчөсүндө «ВАЗ-2107» жана «Mercedes-Sprinter» унаалары сүзүшкөн.
«Жол кырсыктан 1997-жылы туулган бала каза болуп, үч адам жабыркаган. Уччурда өздүк маалыматтары такталууда. Окуя болгон жерге ӨКМдин № 27 өрткө каршы куткаруу бөлүмүнүн куткаруучулары барып, каза болгон адамдын жансыз денесин унаадан чыгарып, ИИМ кызматкерлерине өткөрүп беришти», — деп берилет маалыматта.
Ал эми жабыркагандар медицина кызматынын унаасы менен ооруканага жеткирилген.
