Борбор калаадагы «Ата-Түрк» эс алуучу жайынан мыйзамсыз курулган үч аттракционду бузушту. Бул тууралуу мэриянын пресс-кызматы билдирди.
Анын айтымында, аттракциондор уруксатсыз иштешкен.
«Айланма кичи-америкалык карусель, чынжырча карусель, «Каракчынын кемеси» селкинчеги бузулду. Белгилей кетсек, 28 аттракциондун 25ин буздурганга туура келди. Урматтуу ишкерлер, сиздерди жерди пайдалануу жана курулуш эрежелерин сактоого чакырабыз», — деп кайрылат мэрия.
