Ленин райондук салык башкармалыгына Руслан Касымов жетекчи болуп дайындалды. Бул тууралуу Мамлекеттик салык кызматынан маалымдашты.
Маалыматка ылайык, Руслан Касымов буга чейин Биринчи май райондук салык башкармалыгын жетектеп келген.
Эске сала кетсек, мурдагы Ленин райондук салык башкармалыгын жетекчиси ошол эле башкармалыктын Н.Ш. жана С.Р. аттуу кызматкерлери 6-мартта пара талап кылуу фактысы боюнча кармалгандыгына байланыштуу “ишенимден кетти” деген жүйөө менен кызматтан алынган.
