Мурдакы президент Роза Отунбаева үй-бүлөлүк зомбулукка каршы митингди колдоого алып, Бишкекте Уркуя Салиеванын эстелигинин алдында өтүп жаткан акцияга катышууда.
Роза Отунбаева 8-март күнкү митингдин күч менен кууп таркатылышын сынга алды.
«Эми биз канча жылдан бери демократия деп жүрсөк, Кыргызстандын кашыктап топтогон аброюн чачып таштады. Абдан уят. Ошол ички иштер министри жумуштан кетиши керек», — деди ал.
Мурунку президент митингге карата каршы пикирлер боло берерин эскертти.
«Зомбулук Кыргызстанды кекиртектен кармап турат. Биз эмнеге ал үчүн намыстанбайбыз?», — дейт ал.
