10:52
USD 84.80
EUR 101.18
RUB 1.12

Сойкулукка мажбурлоо. Өспүрүм кыз өз эрки менен макул болгондугу айтылууда

17 жаштагы кызды сойкулук менен алектенүүгө мажбурлаган деген шек менен кармалган 3 аял айыптоо менен макул эмес. Бул тууралуу 24.kg агенттигине жабырлануучунун жактоочусу Айнура Осмоналиева билдирди.

Анын айтымында, кыз өзү аны мажбурлап иштеткендерди тааныды.

«Жабырлануучу психикалык жаткан жабыркайт. Ал жыл сайын медициналык-социалдык экспертизадан өтүп турат. Шектүүлөр ушундан пайдаланып аны уурдап кетишкен, кийин сойкулук менен алектенүүгө мажбурлашкан. Кармалган 3 аял күнөөлөрүн моюндарына алышкан жок, алар кыз өз эрки менен келип, сойкулук менен алектенген дешүүдө», — деди Айнура Осмоналиева.

Жактоочу учурда милиция адам уурдоону уюштурган кишини жана жабырлануучу иштеген жайдын ээлерин издеп жатканын кошумчалады.

Бишкекте 17 жаштагы кызды сойкулук менен алектенүүгө мажбурлаган шектүүлөр кармалган. Маалыматка таянсак, 23 жаштагы К.А., 33 жаштагы Н.М., жана 23 жаштагы Д.З. убактылуу кармоочу жайга киргизилди.

Эң көп окулган жаңылыктар