Алдын ала алынган маалыматтар боюнча, былтыр Кыргызстанга 972,9 миң тонна мунайзат импорттолгон. Бул тууралуу Нефтетрейдерлер ассоциациясынан маалымдашты.
Маалыматка караганда, 453,8 миң тонна бензин жана 519,1 миң тонна дизелдик отун алынып келинген. Күйүүчү майды расмий ташып келген башкы жана негизги булак — Орусия.
«Күйүүчү май бажы төлөмдөрүсүз ташылып келингендиктен, колдонуучулар бир топ сумма үнөмдөй алышат. Былтыр бажы төлөмдөрү боюнча үнөмдөө 27,2 миллион долларды түздү», — деп айтылат маалыматта.
