Бишкекте өткөн футбол мелдешинде Кыргызстандын улуттук курама командасы Жапондуктардан утулуп калды. Оюндун биринчи бөлүгүнүн 41-мүнөтүндө жана экинчи бөлүктүн 53-мүнөтүндө атаандаштар дарбазага топту киргизишип, эсеп 2:0 болду.
Эске салсак, 2022-жылы өтө турган Дүйнө чемпионатынын тандоо турунун алкагындагы мелдеш Дөлөн Өмүрзаков атындагы стадиондо болду.
Кыргызстан 19-ноябрь күнү Тажикстандын курама командасы менен беттешет. Оюн Дөлөн Өмүрзаков атындагы стадиондо өтөт.
