02:51
USD 69.74
EUR 79.24
RUB 1.05

Кыргызстандын аймагына күйүүчү майды мыйзамсыз ташып келип жүргөн топ аныкталды

Талас облусунда Кыргызстандын аймагына күйүүчү майды мыйзамсыз ташып келип жүргөн топ аныкталды. Бул тууралуу 24.kg агенттигине Экономикалык кылмыштуулукка каршы күрөшүү кызматынан билдиришти.

Маалыматка караганда, «Чон-Капка-автодорожный» көзөмөл-өткөрүү пунктунан топтошкон жүк ташуучу жана жеңил унаалар өткөнүн байкашкан. Алардын күнүнө 3-5 жолу Казакстандан Кыргызстанга каттаганы шек туудурган. Унаалар күйүүчү май алып өткөнү аныкталды.

«Унаалар чек арадан өтүп Манас районундагы Кызыл-Жылдыз айылына келип күйүүчү майды андан ары ишке ашыруу үчүн куюп берип жүрушкөн. 1-октябрда аталган аймактан жүк ташуучу унаа чыгып кеткен. Аны текшерүү маалында 3,7 миң литр бензин табылды. Керектүү документтери жок болуп чыкты», -деп айтылат маалыматта.

Эң көп окулган жаңылыктар