04:20
USD 69.74
EUR 79.24
RUB 1.05

Президент Үсөнбек Ниязбековдун үй-бүлөсүнө «Эрдик» медалын тапшырды

Президент Сооронбай Жээнбеков Кой-Таш окуясында каза болгон Үсөнбек Ниязбековдун туугандары менен жолугушту. Бул тууралуу президенттин басма сөз кызматы билдирди. 

Маалыматка ылайык, президент менен жолугушууга "Альфанын" каза болгон кызматкеринин апасы — Өктөм Мамаева, жубайы — Назира Базарбаева, бир тууганы — Асанбек Ниязбеков жана уулу — Тимур Ниязбеков келген.

Мамлекет башчысы 2019-жылдын 7-августундагы окуяларда курман болгон УКМКнын кызматкери, полковник Ниязбековдун жакындарына көңүл айтып, Үсөнбек бүт өмүрүн Мекенге кызмат кылуу, жарандардын коопсуздугун жана өлкөдөгү тартипти камсыздоого арнаганын белгиледи. Террористтик түзүмдөрдү жок кылуу боюнча бир катар операцияларга ийгииликтүү катышып, улуттук коопсуздук органдарынын ар түрдүү ведомстволук сыйлыктарына ээ болгон.

Сооронбай Жээнбеков Үсөнбек Ниязбековдун курман болушу анын үй-бүлөсү, жакындары гана эмес, мамлекет үчүн дагы чоң жоготуу болгонун баса белгиледи. Ал Ниязбековдун жакындарына «Эрдик» медалын тапшырды.

Эң көп окулган жаңылыктар
8-декабрь, жекшемби
6-декабрь, жума