Комуз күнүнө карата өлкө аймагында 8-9-сентябрь күндөрү бир катар иш-чаралар өтөт. Бул тууралуу Маданият, маалымат жана туримз министрлигинен билдиришти.
Маалыматка ылайык, 8-сентябрда саат 10:00дө Ысык-Көл облусуна караштуу Корумду айылындагы Карамолдо Орозовдун айкелинин алдында салтанаттуу иш-чара өтөт. 9-сентябрда саат 10:00дө Калый Молдобасанов атындагы Кыргыз Улуттук консерваториясында «Кыргыз комузу жана комузчулук өнөрү» аттуу илимий практикалык конференция уюштурулат. Ошол эле күнү саат 12:30да Бишкекте Токтогул Сатылгановдун айкелинин алдындагы эскерүү иш-чарасы болот. Саат 16:30да Т. Сатылганов атындагы Кыргыз Улуттук филармониясында «Комуз-улуттук сыймык» аттуу залкар комузчулардын көргөзмөсү өтөт. 18:00дө Т. Сатылганов атындагы Кыргыз улуттук филармониясынын чоң залында «Таңшы комуз» аттуу гала концерт уюштурулат.
Ошондой эле, республика боюнча аймактарда жана коомдук жайларда, мекемелерде комуз күүлөрү жаңырып, атайын иш-чаралар өткөрүлөт.
