Ишкер Бабур Төлбаев футболист Криштиану Роналду менен Лионель Мессини Кыргызстанга чакырды. Бул боюнча ал өзүнүн инстаграм баракчасы аркылуу кайрылды.
Криштиану Роналду менен Лионель Месси 30-августта Чемпиондор лигасынын чүчүкулак таштоо учурунда жолугушкан. Анда Роналду Месси менен 15-жылдан бери бул иш чарада жолугушуп жүргөнүн, экөө жакшы мамиледе экенин айтып, бирок, азырынча чогуу олтуруп тамактана электигин белгилеген.
Бабур Төлбаев дүйнөнүн алдынкы футболисттерин Кыргызстанга келип чогуу тамактанууга чакырат.
«Бул жөн эле кечки тамак болбойт. Ага биздин 3 миңдей балдар катышат. Алар силерди жана футболду абдан жакшы көрөт. Биздин өлкөгө келип, балдарды шыктандырууга кандай карайсыздар?», — деп кайрылды ишкер.
