УКМКнын кызматкерлери Билим берүү борборунун пара талап кылган кызматкерин колго түшүрдү. Бул тууралуу аталган ведомстводон маалымдашты.
Билдирүүгө ылайык, 21-майда Бишкектеги Октябрь райондук билим берүү борборунун жооптуу кызматкери 15 миң сом пара алып жаткан жеринен кармалган.
Шектүү подрядчик фирманын өкүлүнөн боло турган тендердин алкагында каржылоо маселесин он жагына чечип берүү үчүн, пара талап кылган.
