14:32
USD 76.84
EUR 90.50
RUB 1.04

Бишкек ЖЭБ. Сотко айыпталуучулардын жакындарын киргизишкен жок

Бишкектин Свердлов райондук соту Бишкек ЖЭБди модернизациялоо тууралуу кылмыш ишин кароону улантууда. Сотто төрагалык милдетти Инара Гилязетдинова аткарып жатат.

Имараттын кире беришинде милиция күзөттө турат. Алар процесске тизме боюнча гана киргизүүдө. Соттолуучулардын жакындары аларды киргизбегендиги үчүн нааразы. Эске салсак, процесс ачык өтөт.

УКМКнын тергөө абагында мурунку өкмөт башчылар Сапар Исаков жана Жантөрө Сатыбалдиев, депутат Осмонбек Артыкбаев, энергосектордун топ-менеджерлери Салайдин Авазов жана Айбек Калиев кармалууда. Баардык фигуранттардын арасынан бир гана мурунку каржы министри Ольга Лаврова үй камагында.