08:24
USD 69.74
EUR 79.24
RUB 1.05

Дарыгерлер «Ак үйдүн» алдына митингге чыгышты. Айлыкты көтөрүү талабы айтылууда

Бишкектеги бейтапканалардын дарыгерлери «Ак үйдүн» алдына митингге чыгышты.

«Айлык качан көтөрүлөт деп күтө берип тажадык. ЖМКда, президент, өкмөт башчы, аткаминерлер дарыгерлердин айлыгы көтөрүлдү деп айтып жатышат, бирок мындай эмес», -деди гинеколог Айсалкын Жунушалиева.

Ал билдиргендей, 11 миң сом айлык каралып, колуна 8 миң сом алууда.

Дарыгерлер аралаш кабыл алууну киргизгенге нааразы. 

«Кесиптештер 8 ай окуудан өтүштү, жакында экзамен тапшырышат. Бирок, көпчүлүк аралаш кабыл алуудан коркушууда. Мен ушул себептен кайра окуудан өткөн жокмун», -деди Айсалкын Жунушалиева.

Чогулгандар индикатор боюнча ишти баалоону сынга алышты. Алардын айтымында, бул система боюнча алардын күнүмдүк иши бааланбайт.

«Индикатор боюнча мен 12 жумалык кош бойлуу аялды таап, аны каттоого алышым керек. Ал эми анын төрөткө чейинки жумуштарым эч кандай бааланбайт экен. Бул менин айлыгыма кедергесин тийгизбейби?», -деп суроо саалт гинеколог.

Чогулган дарыгерлер айлыкты эч кандай шартсыз көтөрүүнү талап кылышууда.

Эң көп окулган жаңылыктар