Түркиянын Кыргызстандагы элчиси Женгиз Камил Фырат муфтияттын ифтарында чатак чыгарды. Бул тууралуу видео соцтармакта жайгаштырылды.
Маалыматты Кыргызстандын мусулмандарынын диний башкармалыгынан ырасташты.
Алардын билдирүүсүндө, окуя 8-май күнү «Дасмия» ресторанында болгон. Ооз ачарга 2 мүнөт калганда элчи ызы-чуу салып, кетип калды.
Видеодо Женгиз Камил Фырат ифтарга «Сапат» билим берүү мекемесинин башчысы Орхон Инандынын дагы чакырылышына каршылыгын билдирет.
«Мен силерге 35 миллион долларга мечит куруп берсем, силер мени террорист менен бир орунга коюп жатасыңар. Кыргызстан же Түркияны, же террористтерди тандайт», — дейт ал.
