Кыргызстандык окуучу химия боюнча мектеп окуучулары арасында өткөн 53-Эл аралык Менделеев олимпиадасында коло медаль тагынды. Бул тууралуу Бишкек мэриясынан билдиришти.
Маалыматка ылайык, олимпиада Санкт-Петербургда өткөн. Ага 30дан ашуун өлкөнүн жаш химиктери катышкан.
Кыргызстандын атынан 5 окуучу катышты. Борбор калаадагы № 9 мектеп-гимназиясынын 11-классынын окуучусу Мирхад Чекирбаев коло медаль тагынып, калган 4 окуучуга сертификаттар тапшырылды.
