Якутиядагы чектөөлөр кыргыз мигранттарына таасирин тийгизбейт. Бул тууралуу Саха (Якутия) республикасынын расмий сайтында маалымдалат.
Белгилей кетсек, кечээ Якутиянын башчысы Айсен Николаев мигранттарга 30дан ашык тармакта иштөөгө тыюу салган буйрукка кол койду. Буйрук жарыяланышы менен республика бийлиги маалыматты тактоо киришип, чектөө Кыргызстан менен ЕАЭСтин жарандарына тиешеси жоктугун белгиледи.
«Бул буйруктун акыркы кыргыз жарандарына каршы митингге тиешеси жок. Бул 2018-жылдан бери даярдалып келе жаткан документ», — дейт Саха республикасынын өкмөтү.
