Мамлекеттик миграция кызматы чет жерге кетип жаткан кыргызстандыктар үчүн милдеттүү камсыздандыруу тууралуу маселенин үстүндө иштеп жатат. Бул тууралуу маалымат жыйында тышкы миграция жана диаспоралар менен иш алып баруу бөлүмүнүн жетекчиси Улан Шамшиев билдирди.
Алдын ала алынган маалыматка караганда, камсзыдандыруунун суммасы 200 000 сомго жетет.
«Жүк-200дү чет жерден алып келүү боюнча көйгөйлөр бар. Кыргызстан-каза болгон жарандын сөөгүн алып келүүдө чыгымын төлөп берген КМШдагы жалгы өлкө. 50 миң сом компенсацияны алуу үчүн болгону 3 документти көрсөтүү керек», -деди ал.
