Ош шаарынын спортчулары каратэнин шотокан түрү боюнча Казакстандын кубогуна арналган ачык мелдештен байгелүү кайтышты. Бул тууралуу шаардык Каратэ федерациясынан билдиришти.
Маалыматка караганда, мелдешке кыргызстандын атынан 10 спортчу катышты. Казакстандан, Кыргызстандан жана Өзбекстандан жалпы 300дөн ашуун спортчулар күч сынашты.
Мелдештин жыйынтыгында Эмир Каныбеков 23 килограмм салмакка чейинкилер арасында 1-орунду, Максат Батырбеков 30 килограмм салмакка чейинкилер арасында 1-орунду, Самарбек Дөлөтбаев 75 килограмм салмакка чейинкилер арасында 1-орунду ээледи.
Ал эми Элхан Жалилов 11 жашка чейинкилер арасында 2-орунду, Арзыгүл Жалилова 13 жашка чейинкилер арасында 3-орунду, Арууке Каныбекова 11 жашка чейинкилер арасында 3-орунду алды.
