Элдик даарыгер Хашим Зайналиевге кылмыш иши козголду. Бул тууралуу 24.kg агенттигине Бишкек шаардык ички иштер башкармалыгынан билдиришти.
Алардын маалыматында, Саламаттык сактоо министрлигинин кайрылуусунун негизинде иш козголду.
«Мыйзамсыз даарыгерлерлик жүргүзүү» беренеси менен тергөө башталды.
Эскерте кетсек, ноябрь айында Улуттук онкология борборуна оор абалда жаш кыз келип түшкөн. Кызды ата-энеси Хашим Зайналиевдин мыйзамсыз ооруканасында дарылагандыгы аныкталды.
Хашим Зайналиевге карата арыз алгач 2016-жылы түшкөн.
