Кыргызстанда 1 миллион 726,3 миң ири мүйүздүү мал идентификациядан өтүп, маалымат базасына 1 миллион 695,1 миң ири мүйүздүү мал киргизилди. Бул тууралуу ветеринардык жана фитосанитардык коопсуздук боюнча инспекциядан билдиришти.
Маалыматка караганда, жылкы менен чочколор 2019-жылдын 2-кварталынан баштап идентификациядан өтөт. Ал эми кичи мүйүздүү малдар 2020-жылдан баштап катталат.
«Идентификациялоо жаныбарлардын так санын аныктады. Бул ыкма профилактикалык иш-чараларды эффективдүү пландоого жардам берет», -деп жазылат маалыматта.
