Бишкекте жыл башынан бери кызамык менен ооругандардын бири каза болду. Бул тууралуу маалымат жыйында иммундаштыруу жана вакцинация республикалык борборунун адиси Гүлбара Ишенапысова билдирди.
Айтымында, 7 айлык наристенин өлүмү тыкыр текшерилип жатат. «Каза болгон кыз башка оорулар менен дагы ооруп жүргөн», -деди ал.
Ал билдиргендей, кызамык бир жашка чейинки балдар үчүн кооптуу. Бул ооруну алдын алуу үчүн 1 жана 6 жашта эмдөө жүргүзүлөт.
