Акыркы 4 жыл аралыгында кыргызстандык 93 баланы чет өлкөлүктөр асырап алышкан
15:15, 03 октября 2018, Бишкек - 24.kg
2014-жылдан 2018-жылга чейин кыргызстандыктар жана чет өлкөлүк жарандар Кыргызстандан 4 миң 141 бала асырап алышкан. Бул тууралуу парламенттик отурумда Социалдык өнүгүү министри Таалайкүл Исакунова билдирди.
Айтымында, балдардын көпчүлүгүн (4 миң 48 ) жергиликтүү жарандар, 93 баланы чет өлкөлүктөр багып алышкан.
«Балдардын басымдуу бөлүгүн, 88 баланы АКШ жарандары асырап алышты. 1 баланы Финляндиялыктар, 2 баланы Канадалыктар, 2 баланы Швециянын жарандары багып алышты», -деди ал.
