Экономикалык кылмыштуулукка каршы күрөшүү кызматы психикалык жактан жабыркаган жаранга айдоочулук күбөлүк берилгендиги тууралуу фактынын бетин ачышты. Бул тууралуу аталган кызматтан билдиришти.
Маалыматка караганда, 2016-жылдын октябрында Нарын облусуна караштуу Жумгал районундагы үй-бүлөлүк дарыгерлер борборунун кызматкерлери менен унаа каражаттарын жана айдоочулардын курамын каттоо департаментинин жооптуу кызматкерлери Чаек айылынын тургунуна BC категориясындагы айдоочулук күбөлүк беришкен.
Бирок, айдоочу 2015-жылдан бери акылы кем жана эпилепсия диагноздору менен диспансердик каттоодо турган.