Кыргызстандагы 145 мектеп-интернатында 12 миңден ашык бала тарбияланат. Бул тууралуу маалымат жыйында Эмгек жана социалдык өнүктүрүү министрлигинин Үй бүлөнү жана балдарды коргоо боюнча башкармалыгынын башкы адиси Назгүл Чолумова билдирди.
Анын айтымында, мектеп-интернаттарындагы балдардын 683ү тоголок жетим.
«Ал эми өлкө боюнча 24 миң бала туугандарынын колунда тарбияланат. Анткени алардын ата-энелери чет өлкөдө. Ал балдар ар кандай зордук-зомбулуктарга кабылбайт деп эч ким кепилдик бере албайт», — дейт Назгүл Чолумова.
