20:24
USD 69.85
EUR 79.07
RUB 1.05

Өз бир тууганын өлтүргөн кыргызстандык аял Казакстанда кармалды

Казакстандын прокуратурасы өз бир тууганын өлтүргөн И.А. аттуу Кыргызстан жаранын жана М.Й. аттуу Түркия жаранын Кыргызстанга өткөрүп берди. Бул тууралуу Баш прокуратуранын басма сөз кызматы билдирди.

Маалыматка ылайык, алар Казакстандын Атырау облусунда кармалган.

И.А. Түркиянын жараны менен биргеликте агасы И.К. аттуу жаранды өзгөчө мыкаачылык менен өлтүргөн деп айыпталууда. Өрттөлгөн адамдын жансыз денеси 2017-жылдын сентябрында Жети-Өгүз районунун Көл-Кечүү аймагынан табылган.

2017-жылы сот сырттан аларды эркинен ажыратуу өкүмүн чыгарып, Интерпол тарабынан эл аралык издөө жарыяланган.

16 -мартта алар Бишкектеги № 1-абакка алынып келди.

Эң көп окулган жаңылыктар