Бишкекте адам өлтүрүүгө шектелип жаш келин кармалды. Бул тууралуу ИА «24.kg» агенттигине шаардык ИИБнын басма сөз кызматы билдирди.
Эскерте кетсек, бир нече жерине бычак урулган 25-30 жаш курагындагы аялдын жансыз денеси Бишкектеги көп кабаттуу үйлөрдүн биринин алдынан табылган. Аталган факт боюнча кылмыш жана жаза кодексинин 97-беренесинин (адам өлтүрүү) негизинде кылмыш иши козголгон.
Кылмышка шектүү катары 1988-жылы туулган келин кармалып, учурда убактылуу кармоочу жайда сурак берүүдө.
