03:58
USD 68.90
EUR 80.95
RUB 1.04

«Кербен» аэропорту кайра ишке кирет

«Кербен» аэропорту кайра ишке кирет. Бул тууралуу чечим бүгүн Жогорку Кеңеш жыйынында кабыл алынды.

«Кыргызстан» фракциясынан депутат Алмазбек Эргешовдун айтымында, оору-сыркоолорду борбор калаага алып келүү сындуу машакаттуу иштерден улам Жалал-Абад облусунун Аксы районуна авиа каттамды жандандыруу маселесинин зарыл.

Мындан тышкары 350 миң калкы бар бул өрөөндүн элинин дагы көптөгөн кат-кайрылуу келип түшкөн. Ошондой эле, бүгүнкү күндө Өзбекстан менен мамиле жакшырып бара жатканын эске алганда Аксы менен чектеш жайгашкан Өзбекстандын Наманган шаарынын тургундары дагы уча тургандыгы айтылды. Демек, аэропорт өзүн-өзү актайт.

Маалыматка ылайык, 1979-жылы курулган бул аэропорт, СССР кулагандан кийин ишин токтоткон.

Жарандык авиация агенттигинин башчысы Курманбек Акышев ички рейстерге учактардын жетишсиздиги көйгөй болуп жатканын, аэровокзал комплексин реконструкция жүргүзүүгө тендер жарыялангандыгын маалымдады.

Эң көп окулган жаңылыктар