Түрмөдөгү Кубанычбек Кадыров менен Эрнест Карыбеков ачкачылыкты токтотту. Бул тууралуу «24.kg» агенттигине Жаза аткаруу кызматынан билдиришти.
Алардын маалыматында, экөө жакынкы күндөрү №1 тергөө абагынан №22 түрмөгө которулат. Ал эми Бектур Асанов ачкачылыкты улантууда. Ал дагы эле №47 абакта, даарыгерлердин көзөмөлүндө.
Эскерте кетсек, мамлекеттик төңкөрүшкө айыпталган оппозициянын мүчөлөрү 20 күндөн ашык ачкачылыкта олтурушту. Алар УКМКнын төрагасы Абдил Сегизбаевди отставкага кетирүү талабын коюшкан.
