Жалал-Абадда ден-соолугунан мүмкүнчүлүгү чектелген жарандардын кол өнөрчүлүк боюнча жарманке көргөзмөсү болуп өттү.Бул тууралуу шаардык мэрия кабарлайт.
Ага шаардык мекеме-ишканалардын, коомдук уюмдардын өкүлдөрү, шаар тургундары келип катышышты жана аярлуу жарандардын колунан жасалган буюмдарды сатып алышты. Бул иш-чара Жалал-Абад шаарынын мэриясы тарабынан жарыялаган ден-соолугунан мүмкүнчүлүгү чектелген жарандарды колдоонун бир айлыктын алкагында өткөрүлдү.
Эскерте кетсек, Жалал-Абад шаарында жалпысынан 3281 мүмкүнчүлүгү чектелген жаран бар. Алардын 450сү 18 жашка чейинкилер. Аярлуу жарандарга реалдуу жардам көрсөтүү максатында шаарда 15-ноябрдан 15-декабрга камкордук көрүүнүн бир айлыгы жарыяланган.
