Алмазбек Атамбаев Нью-Йорк шаарында Американын ишкерлер кеңешинин өкүлдөрү жана ири компаниялардын негиздөөчүлөрү менен жолугушту. Бул тууралуу президенттик аппараттын маалымат кызматы кабарлайт.
Жолугушууга Baker & McKenzie LLP, General Electric, AGCO Corporation, Coca-Cola, Сiti, Oppenheimer&Со, Inc, Visa Inc, Microsoft, White 64, AES, John Deere жана башка компаниялардын жетекчилери катышкан.
Президент General Electric компаниясынын вице-президенти жана КМШ аймагы боюнча аткаруучу директору Рон Поллет менен Кыргызстандын энергетикалык инфраструктурасын жакшыртуу маселесин талкуулашты.
Маалыматта, АКШ ишкерлери Кыргызстанда бизнести жүргүзүүгө ыңгайлуу шарттар түзүлүп жаткандыгын белгилешкен.
