Өмүрбек Бабанов президент болуп калса башкаруу формасына өзгөртүү сунушун референдумга алып чыгат. Бул тууралуу ал маалымат жыйында билдиргенин Zanoza сайты маалымдайт.
«Президенттин ыйгарым укуктары бүгүн жетиштүү. Бирок Кыргызстан президенттик, же парламенттик өлкө экенин так аныктап алышы керек. Ансыз болбойт. Мен президент болуп калсам, бул маселени референдумга алып чыгам» - деди «Республика» партиясынын лидери.
Андан сырткары, Өмүрбек Бабанов парламент депутаттарынын санын кыскартмакчы.
