12:03
+26
USD 68.74
EUR 80.76
RUB 1.16
Кыргызча

Текебаевдин соту. Роза Отунбаева менен Алмазбек Атамбаев күбө

Сот 40тай күбөнү суракка алуу сунушун канааттандырды. Алардын арасында мурдакы президент Роза Отунбаева дагы бар. Роза Отунбаева бүгүн сотко келди.

«Ата-Мекен» партиясынын лидери Өмүрбек Текебаев менен мурдакы өзгөчө кырдаалдар министри Дүйшөн Чотоновдун сотуна өлкө башчысы Алмазбек Атамбаевди күбө катары чакыруу сунушталган. Бирок, аны сот Айбек Эрнис уулу четке каккан.

Эскерте кетсек, Биринчи май райондук сотунда «Ата Мекен» партиясынын лидери Өмүрбек Текебаев менен мурдакы Өзгөчө кырдаалдар министри Дүйшөн Чотоновдун иши каралып жатат. Экөөнө бирдей айып тагылган. Башкы прокуратуранын маалыматында, Текебаев 2010-жылы «Мегаком» компаниясы үчүн Леонид Маевскийден 1 миллион доллар алган.

Өмүрбек Текебаевдин ыйгарымдуу өкүлү жекшемби күнү БШКга президенттик шайлоого катышууга арызын берди. Боршайкомдун төрайымы Нуржан Шайлдабекова саясатчынын шайлоого катышуусуна бир гана соттун өкүмү тоскоол болушу ыктымалдыгын айткан.

Эң көп окулган жаңылыктар