Биринчи май райондук сотунун алдында Өмүрбек Текебаевдин тарапташтары көзүн ак кездеме менен байлап пикет өткөрүшүүдө. Алар бул кадамы менен сот Айбек Эрнис уулунун видео-фотого тартууга тыюу салган чечимине каршылык билдиришет.
Эскерте кетсек, бүгүн Биринчи май районунда «Ата Мекен» партиясынын лидери Өмүрбек Текебаев жана мурдакы министр Дүйшөн Чотоновдун соту өтүп жатат. Айыпталуучулардын жактоочуларынын өтүнүчүнө карабай, сот Айбек Эрнис уулу фото жана видеого тартууга тыюу салды.
Жактоочулардын талабы менен сот залындагы видеокамера дагы алынып салына турган болду.
