Орто жана төмөн басымдагы газ түтүктөрүн кайра туташтыруу иштерине байланыштуу 16-июндан 19-июнга чейин Бишкектин бир бөлүгүндө «көк от» берилбейт. Бул тууралуу «Бишкекгаз» ишканасы билдирди.
Маалыматка ылайык, газ өчүрүү төмөнкү көчөлөр менен чектелген аймакта болот:
Жукеев-Пудовкин, Токомбаев, Сухэ Батор, Юнусалиев жана Безымянная.
«Бишкекгаз» жаралган ыңгайсыздыктар үчүн кечирим сурайт жана абоненттерди газ өчүрүлгөн мезгилде энергиянын альтернативдүү булактарына өтүүнү өтүнөт.
