Баткен облусунда 2026-жылы 203 километр автоунаа жолуна асфальт төшөө пландаштырылууда. Бул тууралуу президенттин аймактагы ыйгарым укуктуу өкүлү Мамыржан Рахимов билдирди.
Анын айтымында, оңдолуп жаткан тилкелердин ар бири беш километрден кем эмес болот. Мындай талап жол курулушунун натыйжалуулугун жогорулатуу жана калктуу конуштардын транспорттук жеткиликтүүлүгүн жакшыртуу максатында буга чейин коюлган.
Бул алкакта Бужум айылынан Баткен шаарына чейинки жолдун жана Зардалы айылына алып баруучу Баткен — Кайыңды трассасынын беш километрдик тилкелерине асфальт төшөлдү. Келечекте бул багытта дагы 7–8 километр жол куруу пландалууда.
Аймактын бийлиги жол долбоорлорунун ишке ашырылышы райондук борборлордун ортосундагы гана эмес, облустун алыскы айылдары менен да транспорттук байланышты жакшыртууга мүмкүндүк берет деп күтүүдө.
